NOUVE PWOJÈ DEKRÈ ELEKTOYAL LA KREYE TANSYON NAN LASYON POLITIK AYITI
Pandan yon pwojè dekrè elektoral ki ta sòti nan gouvènman an ap sikile sou rezo sosyal yo, yon nouvo vag tansyon pran nan mitan aktè politik ayisyen yo. Plizyè lidè politik ap kritike tèks la, yo konsidere li kòm yon sous enkyetid pou òganizasyon eleksyon kap vini yo.
Dapre plizyè responsab politik ak obsèvatè yo, dokiman ki an sikilasyon an ta modifye konpare ak vèsyon inisyal Konsèy Elektoral Pwovizwa a (CEP) te prepare. Chanjman yo sanble konsantre sou kritè elegibilite kandida yo ak sou jan administrasyon CEP a ap òganize.
Youn nan pwen ki plis soulve kontrovès se kreyasyon yon pòs direktè jeneral nan CEP a. Plizyè pati politik konsidere sa kòm yon fason pou mande pouvwa egzekitif la gen plis enfliyans sou enstitisyon elektoral la. Sou yon kont X, ansyen Premye Minis Claude Joseph te kalifye tèks la kòm yon “provokasyon”. Menm jan an tou, Sterline Civile kritike pwojè a, li kwè li pral limite otonomi CEP a.
Plizyè jiris ak òganizasyon politik ap mande tou pou plis klète sou nouvo kondisyon elegibilite ki parèt nan pwojè a. Yo di kèk dispozisyon nan tèks la ta ka ale kont Konstitisyon Ayiti epi ka kite kèk kandida deyò nan pwosesis elektoral la.
Kontrovès sa a sòti nan yon kontèks kote ensekirite, kriz enstitisyonèl ak dezakò sou fason pou òganize eleksyon 2026 yo soufle fò. Anpil sektè ap mande dyalòg pou garanti yon pwosesis elektoral kredib ak enklizif ann Ayiti.
Judelor Louis Charles
Vant Bèf Info (VBI)
Leave a Reply